Japonia ganabas la mond-championeso en mulier-futbalo

[Valodnieks]

Hiere esis la finalo di mond-championeso en mulier-futbalo en Germania. Esis vere dramatoza ludo. Fine la granda favorato Usa perdis en la punis-stroko pafado per 1:3. Dufoye la Usonani esis en la avantajo per un golo, ma amba foyi la Japonianini egaligis.

Japonia ganis por la unesma foyo la mond-championeso en mulier-futbalo. Ja en la quarimo-finalo la Azianini vinkis kontra la altra granda favorato Germania. Por "nia" germana esquado la turniro esis granda decepto.

Ma la atmosfero en la stadioni esis tre bona e multa personi regardis la ludi en la televiziono. Me regardis la quarimo-finalo ludo inter Svedia ed Australia en la stadiono di Augsburg kun mea filiulo.

La turniro esis granda suceso por la muliero-futbalo. Ne obliviez ke en Germania la mulier-futbalo esis oficale interdiktita da la Germana Futbalo Federuro til la yaro 1971. Me esperas ke nun la mulier-futbalo havas bona futuro en Germania.