Antwort schreiben 
 
Themabewertung:
  • 0 Bewertungen - 0 im Durchschnitt
  • 1
  • 2
  • 3
  • 4
  • 5
Germana novjati
05-23-2011, 08:43 PM
Beitrag #1
Germana novjati
Hike me publikas kelka novajeti de Germania.

Ni povas hike diskutar e raportar en Ido pri aktuala eventi en Germania.
Alle Beiträge dieses Benutzers finden
Diese Nachricht in einer Antwort zitieren
05-23-2011, 08:46 PM (Dieser Beitrag wurde zuletzt bearbeitet: 05-23-2011 08:47 PM von Valodnieks.)
Beitrag #2
Kelka germana novaji [22/05/11]
Politiko: Reda-verda triumfo en la elekti en Bremen
* Sporto/Futbalo: Schalke 04 konquestas la germana futbalo-kupo
* Motor-sporto: Sebastian Vettel itere vinkoza en la Formulo Un

POLITIKO: REDA-VERDA ELEKTALA TRIUMFO EN BREMEN
La reda-verda guverno en la maxim mikra germana federala lando Bremen triumfis en la elekto dil lando-parlamento. Pro la desfacila elekto-sistemo ankore ne esas oficala final-rezulto, ma esas ja evidenta ke la Socialdemokrata Partiso restas la maxim granda partiso per 38,6 prozenti di la voti. To signifikas ke urbestro Jens Böhrnsen di la socialdemokrati defensis sua ofico sucesoze. La maxim granda surprizo esis ke la Verda Partiso devancis la Kristdemokrata Uniono. Le Verdi recevis 22,5 procenti e la konservema kristdemokrati nur 20,1 procenti. La Sinistra Partiso perdis kelka procenti en la komparo kun la pasinta elekto, ma restos per 5,9 procenti en la parlamento. Kontre to la Libera Demokrata Partiso faliis klare.
La federala lando Bremen konsistas ek la du urbi Bremen e Bremerhaven. Se partiso havas plu kam 5 procenti en un dil amba urbi lu eniras en la parlamento. Pro to la grupo "Civitani en kolero" eniris kun un deputato en la lando-parlamento. La dextra-konservema grupo atingis 7,0 procenti en Bremerhaven.
Granda decepto esas la nombro di la partoprenanti ye ca elektp. Nur cirkum 54 procenti dil civitani votis en la elekti. Por la unesma foyo en Germania anke 16-yari e 17-yari evanta personi povis votar. Evidente to ne havis pozitiva efekto en la numero di la partoprenanti en la elekti.

SPORTO/FUTBALO: SCHALKE 04 KONQUESTAS LA GERMANA FUTBALO-KUPO
La FC Schalke 04 ganis sen granda problemi la finalo di la germana futbalo-kupo en Berlin 5:0 kontre la MSV Duisburg. Le rejala-blua dominacas klare la "zebri" ek Duisburg. Por Schalke esis sucesoza la Nederlandano Klaas-Jan Huntelaar dufoye en la 22-ma e 70-ma minuto, la yuna talento Julian Draxler en la 18-ma minuto, Benedikt Höwedes en la 42-ma minuto e la Hispano Jose Manual Jurado en la 55-ma minuto. La klubo ek Gelsenkirchen ganis la germana kupo por la kinesma-foyo. La MSV Duisburg, qua ludas nur en la duesma germana ligo, esis sen chanco kontre la vicino ek Gelsenkirchen. Per ca vinko la FC Schalke ludos en la venonta yaro en la Europ-Ligo. Forsan esis la lasta ludo di la gol-gardisto Manuel Neuer por la FC Schalke. Neuer volas chanjar la klubo e forirar al FC Bayern München.

MOTOR-SPORTO: SEBASTIAN VETTEL DOMINACAS ITERE EN LA FORMULO UN.
La nuna mond-championo en la maxim importanta motor-sporto serio Formulo Un Sebastian Vettel dominacis anke la kinesma kuro di ca sezono. La mond-championo ganis la granda premio di Hispania en Barcelona en sua Red Bull auto strete avan Lewis Hamilton de Granda Britania. Ye la triesma rango finis Jason Button de Britania en sua Mc Laren. Anke la altra germana pilotisti esis sucesoza. La anciena-championo Michael Schumacher finis en sua Mercedes ye la sisesma rango avan sua samesquadano Nico Rosberg (anke Germania). Nick Heidfeld atingis ecelanta okesma rango en sua Lotus Renault.
Vettel ja ganis quin di la kin kuri en ca sezono. Il esis klare ye la pinto di la mond-championeso per 118 punti. Lewis Hamilton sequas havante 77 punti e la samesquadano di Vettel Mark Webber de Australia esas ye la triesma rango per 67 punti.
Alle Beiträge dieses Benutzers finden
Diese Nachricht in einer Antwort zitieren
05-24-2011, 09:18 PM
Beitrag #3
RE: Kelka germana novaji [22/05/11]
Esas tre interesiva lektar informaji pri Germania per Idolinguo. Me esperas lektar plusa novaji de vu future.
Webseite des Benutzers besuchen Alle Beiträge dieses Benutzers finden
Diese Nachricht in einer Antwort zitieren
Antwort schreiben 


Gehe zu:


Benutzer, die gerade dieses Thema anschauen: 1 Gast/Gäste

Kontakt | Homepage der Deutschen Ido Gesellschaft | Nach oben | Zum Inhalt | Archiv-Modus | RSS-Synchronisation