Microsoft aquiris Skype

[Kiran]

Yen komercala novaji de la Usa, qua tamen interesos anke la Germani:

Microsoft Corp. e Skype Global anuncis ye 10 mayo, 2011 ke la du kompanii obtenis konkordo segun qua Microsoft aquiris Skype, un de la chefa kompanii di inter-retala komunikaji, po 8,5 milliard Usana dolari. Lo esas la maxim granda kompro da Microsoft dum lua triadek-e-sis yara existo.

Skype, de Luxemburg, fondesis en la yaro 2003, ed esis aquirita da eBay en 2005 po 3,1 milliard dolari. En 2009 eBay vendis Skype po preske 2 milliard dolari, dum retenar 30% interesto en la kompanio.

Preske 145 milion homi uzas Skype singla-monate.

Skype divenos nova komerco-afero interne Microsoft, e la chefo esos Tony Bates, la nuna chefo di Skype.

[Valodnieks]

Danko pro la informo Kiran! La questiono por me esas ka Skype restos preske gratuita. Microsoft certe provos profitar financale per Skype.

[Kiran]

(05-14-2011 10:36 AM)Valodnieks schrieb:  Danko pro la informo Kiran! La questiono por me esas ka Skype restos preske gratuita. Microsoft certe provos profitar financale per Skype.

Yes, komprenende. Me ipsa nultempe uzis Skype, ed ante nun me ne savas plu multe pri la kompanio. Segun quan me lektas nun, Skype recente ne esis tre profitoza, tale eBay vendis granda parto dum retenar nur 30% di la kompanio. E Microsoft konsentis pagar 8,5 milliard dolari, qua esas tro chera preco. Do, Microsoft mustas montrar a lua kolokeri ke la nova komprajo esos profitoza.