Antwort schreiben 
 
Themabewertung:
  • 0 Bewertungen - 0 im Durchschnitt
  • 1
  • 2
  • 3
  • 4
  • 5
Invito a la Internaciona Ido-Renkontro Dessau/Germania 23.-29. di Julio 2012
11-29-2011, 10:20 PM
Beitrag #1
Invito a la Internaciona Ido-Renkontro Dessau/Germania 23.-29. di Julio 2012
Kara samideani!

Me invitas vi deskovror la bela regiono Sachsen-Anhalt en Germania. De la
23-ma til la 29-ma dil julio 2012 eventos en Dessau, Germania, cent kilometri
sude de Berlin, la Internaciona Ido-renkontro 2012. Dum la antea semanofino
21-ma til la 23-ma dil julio 2012 eventos prerenkontro en Berlin, chefa urbo di
Germania, e Potsdam, chefa urbo di Brandenburgia. Ica prerenkontro esos
organizita da nia lokala grupo - la Ido-Amiki-Berlin.

La Ido-renkontro de la 23-ma til la 29-ma de julio 2012 eventos en la
yunaralbergo en Dessau
(Germania). La albergo trovesas cirkume 3 kilometri de Dessau-Hauptbahnhof en
la verda, trankvila e forestala urb-regiono Ziebigk:

Jugendherberge Dessau-Roßlau
Ebertallee 151
06846 Dessau-Roßlau
Telefonilo: +49 (0)340 - 61 98 03
Faxilo: +49 (0)340 - 61 98 04
E-mesajo: JH-Dessau(at)djh-sachsen-anhalt.de
Interreto: http://www.jugendherberge-dessau.de

La Ido renkontro en Dessau eventos okazione di la 150esma naskodio di
Heinrich Peus, qua esis importanta Idisto dum la duadeka e triadeka yari dil
pasinta yarcento. Peus esis membro di Socialdemokrata Partiso e
elektesis multafoye aden la Germana Reichstag e Landtag di Sachsen-Anhalt.
Ye la 24-ma dil julio ni festos komune kun la Germana Socialdemokrata Partiso
la naskoaniversario di ica granda Ido-pioniro.

Dessau, la triesmagranda urbo di Sachsen-Anhalt, esas famoza pro la UNESCO
mondo-heredajo "Bauhaus" e sua "Meisterhäuser", qui stacas por arto ed
arkitekturo. Anke trovesas la naturruro "Mittelelbe" e la
famoza "Wörlitzer Park" en la proximeso de Dessau. La naturala rezerveyo
"Mittelelbe"
e la "Wörlitzer Park" trovesas anke sur la listo di UNESCO.

En la yunaralbergo esas disponebla la sequanta chambri por l'asistanti:

* 1 x 2 liti
* 1 x 3 liti
* 2 x 4 liti
* 1 x 5 liti
* 2 x 6 liti

La chambri esas tre plu granda kam en Echternach. Esas separata dorm
areo/chambreto, por du o tri liti, ma sen pordo. La sejorno en la yunaralbergo
kustas 22,00 Euro po nokto e persono ed inkluzas la dejuneto. Personi plu yuna
kam 27 yari nur pagos 19,00 Euro. On povas anke komendar dejuno od dineo quo
kustas singla 4.50 Euro.

Alternative ni povas ofrar tranoktposibleso en la pensiono "7 Säulen"
por 33 (3 lita chanmbri) til 56 EURO (unlita chambro) po persono e nokto
inkluzite dejuneto. La pensiono situesas cirkume 2 kilometri de la
Dessau-Hauptbahnhof e de la yunaralbergo.

Yen la adreso:

Hotel - Pension
"An den 7 Säulen"
===================
Ebertallee 66
06846 Dessau
Telefonilo: +49 (0)340-61 96 20
Faxilo: +49 (0)340 61 96 22
E-mesajo: pension7saeulen@...
Interreto: http://www.pension7saeulen.de/

La disto inter la yunaralbergo e la hotelo esas min kam du kilometri, do esus
posibla irar pede.

Anke existas diversa hoteli en Dessau, ma ol esas plu chera e plu fora de
la albergo, do ni ne rekomendas ol.

Ni devos rezervar la kunveneyo e la bezonata chambri maxim tarde 2 monati ante
la komenco dil renkontro. Konseque omna gesamideani od interesemi, qui volas
partoprenar e lojar en l'yunaralbergo devos anuncar sua partopreno til maxim
tarde la 23ma di mayo 2012!! Ti, qui anuncos sua partopreno plu tarde ipsa
devos sorgar pri chambro en Dessau!! Til kande esos libera chambri en la
pensiono ni regretinde ne savas.

Voluntez anuncor vua partopreno explikante
* vua nomo, postala adreso ed e-postala adreso e telefon/faxnumero
* nombro di personi
* dio dil arivo e departo
* dezirata kategorio di chambro
* dezirata repasti (exemple vejetarana)
* propozi por la programo o por la diskuti dum la laborkunsido
per e-postala mesajo a l'e-postala adreso:
dessau2012@idolinguo.de

o per postala letro a la postala adreso:

Dr. D. Groth
Tagorestr.3
D- 14548 Schwielowsee
Germania

L'aranjeri dil Internaciona Idorenkontro 2012 en Dessau Dr. Detlef Groth e la
direktantaro dil Germana Ido-Societo ja hodie prejoyas pri multnombra
partopreno!!

Til rivido okazione di la Idorenkontro 2012 en Dessau (Germania)!!

Kordiala saluti

Dr. Detlef Groth
Aranjero dil Internaciona Idorenkontro 2012
e por la direktantaro dil Germana Ido-Societo
Alle Beiträge dieses Benutzers finden
Diese Nachricht in einer Antwort zitieren
Antwort schreiben 


Gehe zu:


Benutzer, die gerade dieses Thema anschauen: 1 Gast/Gäste

Kontakt | Homepage der Deutschen Ido Gesellschaft | Nach oben | Zum Inhalt | Archiv-Modus | RSS-Synchronisation